Türkiyəni Azərbaycanla birləşdirəcək yol bu tarixdə tamamlanacaq

Gürcüstanda Türkiyə sərhədindən Azərbaycan və Ermənistan sərhədlərinədək yolun demək olar bütün əsas hissələrinin inşası 2030-cu ilin sonuna qədər başa çatdırılacaq.

Lent.az APA-ya istinadən xəbər verir ki, bunu Gürcüstanın baş naziri İrakli Kobaxidze deyib.

O qeyd edib ki, Gürcüstan hökuməti ölkənin strateji mövqeyindən maksimum şəkildə istifadə etməyə çalışır.

"Əsas vəzifələrimizdən biri də ölkənin nəqliyyat və tranzit funksiyasını inkişaf etdirməkdən ibarətdir. Bu istiqamətə çox böyük həcmdə investisiyalar yatırılır", - o bildirib.