Noyabr ayından etibarən yüksəlişə başlayan Bitcoin sürətlə dəyər qazanmağa davam edir. Arada gözlənilməz enişlər baş versə də, tez bir zamanda əvvəlki səviyyəsinə qayıtmağı bacarır.
Lent.az xarici KİV-ə istinadən xəbər verir ki, qlobal bazarlardakı durğunluq və müharibə ehtimalları səbəbindən yay aylarından sonra geriləməyə başlayan Bitcoin-in köməyinə Trump çatıb. ABŞ prezident seçkilərini qazanan və kriptovalyutalar haqqında müsbət mesajlar verən Trump böyük bir yarışın da başlamasına səbəb olub.
Bitcoin bu günün erkən saatlarında 107.400 dollar səviyyəsinə yüksələrək yeni bir rekorda imza atdı. Noyabr ayından bəri Bitcoin fasiləsiz rekordlar qırır. Gündəlik ticarət həcmi 63 milyard dollara, ümumi bazar dəyəri isə 2.2 trilyon dollardan çox olub. Bu göstəricilərlə hələ Apple və Nvidia kimi böyük şirkətlərlə rəqabət edə bilməsə də, gümüşü geridə qoyub və Amazon-a yaxınlaşıb.
Kriptovalyuta bazarının ümumi dəyəri 3.67 trilyon dollara çatdığı halda, gündəlik ticarət həcmi 170 milyard dollar olub. Binance birjasının spot və maliyyə levirici əməliyyatlarının ümumi gündəlik həcmi isə 100 milyard dolları keçib. Uzun müddətdir 100 min dolların üzərində sabit qalan Bitcoin-in Trump-ın andiçmə mərasiminə yaxın daha da hərəkətlənməsi gözlənilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
