Şimal istiqamətinə qatarların hərəkət cədvəli yenidən dəyişdi

“Azərbaycan Dəmir Yolları” Qapalı Səhmdar Cəmiyyətinin mətbuat katibliyinin rəisi Nadir Əzməmmədov Lent.az-a bildirib ki, dəyişikliyə əsasən, 55-56 saylı Bakı-Moskva sərnişin qatarı həftənin I, III və V günləri saat 19.55-də yox, saat 21.55-də Bakıdan yola düşəcək. Həftənin II, IV və bazar günləri saat 8.20-də yox, saat 6.10-da Bakıya çatacaq.

31-32 saylı Bakı-Kiyev sərnişin qatarı həftənin III günü saat 0.40-da yox, 0.30-da Bakıdan yola düşəcək, II gün saat 0.30-da yox, 3.45-də Bakıya gələcək.

313-314 saylı Bakı-Sankt-Peterburq sərnişin qatarı həftənin IV günü saat 0.40-da yox, 0.30-da Bakıdan yola düşəcək, həftənin III günü saat 19.03-də yox, 6.10-da Bakıya gələcək.

369-370 saylı Bakı-Xarkov sərnişin qatarı hətənin V günü saat 0.40-da yox, 0.30-da Bakıdan yola düşəcək, III gün saat 0.30-da yox, 3.45-də Bakıya gələcək.

373-374 saylı Bakı-Tümen sərnişin qatarı hər gün saat saat 6.10-da yox, 6.00-da Bakıdan yola düşəcək, saat 3.05-də yox, 1.25-də Bakıya çatacaq.

391-392 saylı Bakı-Rostov sərnişin qatarı həftənin II və bazar günləri saat 0.40-da yox, I və VI günlər saat 0.30-da Bakıdan yola düşəcək. Həmin qatar həftənin I və VI günləri saat 6.10-da Bakıya gələcək.

Xatırladaq ki, “Rusiya Dəmir Yolları” ASC rəhbərliyinin qərarına əsasən təhlükəsizliyin təmin edilməsi məqsədi ilə fevralın 4-dən Şimali Qafqaz Dəmir Yolunun Samur-Artezian sahəsində sərnişin və yük qatarlarının hərəkətinə axşam saat 22.00-dan səhər saat 6.00-ya qədər məhdudiyyət qoyulmuşdu. Fevralın 23-dən martın 26-dək qatarların hərəkət cədvəlində dəyişikliklər edilmişdi.

Elxan SALAHOV