DəmirBank istehlak kreditləşməsini genişləndirir

Əhalinin tələbatını qarşılamaq üçün Bank müştərilərə “Avtomobil krediti”, “Mebel krediti”, “Məişət texnikası krediti”, “Təmir krediti”, “Təhsil krediti”, “Nağd pul krediti”, “Qızıl ilə kredit” və sair istehlak kreditləri təklif edir. Buna əlavə olaraq “Təhsil və səhiyyə işçilərinə kredit”, “Dövlət işçilərinə kredit”, “Təqaüdçülərə kredit” və bu kimi kredit proqramları həyata keçirir.

DəmirBank “Mebel krediti” və “Məişət texnikası krediti” proqramları üzrə “Embawood”, “Karaca Mebel”, “Optimal Electronics”, “Bermud Electronics” şirkətləri ilə, həmçinin digər istiqamətlərdə bir sıra avtomobil salonları və digər şirkətlərlə geniş əməkdaşlıq edir.

“Strateji kursuna sadiq olaraq DəmirBank əhaliyə geniş çeşidli bank xidmətləri təklif edir. Ölkənin aparıcı banklarından olan DəmirBank-ın istehlak kreditləri üzrə ümumi portfeli 2010-cu il ərzində 19,5% artaraq ilin sonuna 69,1 mln. manat təşkil etmişdir. Kredit portfelimizin artımı kredit siyasətimizin uğurla həyata keçirilməsinin nəticəsidir. Kreditləşmə qaydalarının və sənədləşmə prosesinin sadələşdirilməsi istiqamətində görülən işlər əhalinin müxtəlif kreditlərdən istifadə imkanlarını artırır” – deyə İdarə Heyəti Sədrinin müavini Yusif Cabbarov bildirib.

DəmirBank müştərilərə həmçinin müxtəlif növ biznes və ipoteka kreditləri təklif edir. Bankın kredit məhsulları barədə daha ətraflı məlumat üçün www.demirbank.az saytına daxil olmaq, Telefon Məlumat Mərkəzi – 149 nömrəsinə zəng və ya Bankın filiallarına müraciət etmək olar.

Ölkənin ilk banklarından olan DəmirBank (əvvəlki adı Azərdəmiryolbank) 1989-cu ildə fəaliyyətə başlayıb. Bankın səhmdarları sırasına beynəlxalq maliyyə təşkilatları olan Avropa Yenidənqurma və İnkişaf Bankı və Hollandiya İnkişaf Maliyyə Şirkəti (FMO) daxildir.