201,5 kiloqram süd məhsulları məhv edilib
27 dekabr 2010 18:27 (UTC +04:00)

201,5 kiloqram süd məhsulları məhv edilib

Nazirliyin mətbuat xidmətindən Lent.az-a bildiriblər ki, N.Nərimanov küçəsi-8 ünvanda Gülbala Qasımzadəyə məxsus istehsalat sahəsində aparılan yoxlama zamanı yağlılığı 20 faiz olan xamanın, yağlılığı 9 faiz olan yarımyağlı kəsmiyin və pəhriz kəsmiyinin üzərində yararlılıq müddətinin normativ sənədlərlə müəyyən edilmiş müddətdən artıq göstərildiyi üzə çıxıb. Həmçinin süd məhsullarının qablaşdırılmasında istifadə olunan bükmə materiallarının müşayiətedici sənədlərinin olmadığı müəyyən edilib. Qanun pozuntuları ilə əlaqədar müəssisənin anbarında satışı dayandırılmış 201,5 kiloqram süd məhsullarından nümunələr götürülərək laborator müayinəyə göndərilib.

Götürülmüş nümunələrin laborator müayinəsi nəticəsində müəssisədə istehsal edilmiş yağlılığı 20 faiz olan xamanın tərkibində bağırsaq çöpü qrupundan olan bakteriyalar (koliformlar) aşkarlanıb. Bundan başqa, pəhriz kəsmiyinin tərkibində yağın olması (pəhriz kəsmiyinin tərkibində yağ olmamalıdır), yağlılığı 9 faiz olan yarımyağlı kəsmiyin yağlılığının normadan çox, yağlılığı 20 faiz olan xamanın yağlılığının isə normadan az olduğu müəyyənləşib.

Bu qanun pozuntuları ilə əlaqədar süd məhsullarının satışının təxirə salınmadan dayandırılması və insan orqanizmi üçün təhlükəli olan 201,5 kiloqram süd məhsullarının məhv edilməsi barədə Gülbala Qasımzadəyə Dövlət Xidməti tərəfindən icrası məcburi göstəriş verilib və həmin mallar məhv edilib.

Elxan SALAHOV
1 2 3 4 5 İDMAN XƏBƏRLƏRİ
# 1040

Oxşar yazılar