Sabirabadda yol tikintisinə 1,5 milyon manat ayrıldı

Lent.az-ın məlumatına görə, sərəncamda bildirilir ki, Kür və Araz çaylarının daşması nəticəsində baş vermiş təbii fəlakətin fəsadlarının aradan qaldırılması zamanı rayonun bəzi kəndlərarası avtomobil yolları daha intensiv şəkildə istismar olunaraq, ciddi dağıntılara məruz qalıb. 34 min nəfər əhalinin yaşadığı 18 yaşayış məntəqəsini birləşdirən Sabirabad – Qasımbəyli – Narlıq - Qaraqaşlı yolu isə istifadəyə yararsız vəziyyətə düşüb.

Həmin avtomobil yolunun yenidən qurulması işlərinin başlanmasını təmin etmək münasibətilə dövlət başçısının sərəncamı ilə Azərbaycan Respublikasının 2010-cu il dövlət büdcəsində nəzərdə tutulmuş Azərbaycan Respublikası Prezidentinin Ehtiyat Fondundan Sabirabad – Qasımbəyli – Narlıq – Qaraqaşlı avtomobil yolunun yenidən qurulması məqsədilə Sabirabad rayon icra hakimiyyətinə ilkin olaraq, 1,5 milyon manat məbləğində vəsait ayrılıb.