Kulevi “Qara Dəniz Terminalı”nın ümumi yükdaşınma həcmi 6 milyon tona çatdı
14 sentyabr 2010 18:02 (UTC +04:00)

Kulevi “Qara Dəniz Terminalı”nın ümumi yükdaşınma həcmi 6 milyon tona çatdı

ARDNŞ-ə məxsus Kulevi “Qara Dəniz Terminalı” Azərbaycan və Mərkəzi Asiyada istehsal olunan neftin və neft məhsullarının Gürcüstan ərazisindən Avropaya ixracını həyata keçirməkdə davam edir.


Lent.az-ın ARDNŞ-in rəsmi saytına istinadən verdiyi məlumata görə, sentyabrın 13-də Terminalın ümumi yükdaşınma həcmi 6 milyon tona çatıb.


2010-cu ilin 8 ayı ərzində terminal vasitəsi ilə 2,4 min ton neft və neft məhsulları daşınıb. Bu ötən ilin müvafiq dövrü ilə müqayisədə 50 % çoxdur. Bu gün də Kulevi “Qara Dəniz Terminalı” yük dövriyyəsinin həcminin artırılması istiqamətində fəaliyyət göstərir.
# 663

Oxşar yazılar