“Azəriqaz”da mərkəzləşdirilmiş ölçü-qeydiyyat sistemi yaradılıb
06 aprel 2010 15:00 (UTC +04:00)

“Azəriqaz”da mərkəzləşdirilmiş ölçü-qeydiyyat sistemi yaradılıb

“Azəriqaz” İstehsalat Birliyində mərkəzləşdirilmiş ölçü-qeydiyyat sistemi yaradılıb.

Lent.az-ın ARDNŞ-in rəsmi saytına istinadən verdiyi məlumata görə, bu, qaz sərfinə məsafədən nəzarət etməyə imkan verir.

Bu çevik sistem məlumatların elektron tipli ölçü cihazlarından radiokanal vasitəsi ilə uzaq məsafəyə ötürülməsinə şərait yaradıb. Sərf olunan qazın saatlıq və sutkalıq məlumatlarını “Azəriqaz” İstehsalat Birliyinin müvafiq şöbələrinə ötürülməsini təmin etmək üçün 2010-cu ildən etibarən 191 radiomodemin quraşdırıldığı “ROC-407” və “ROC-107” tipli elektron sərfölçən cihazları ARDNŞ-in İnformasiya Texnologiyaları və Rabitə İdarəsinin mərkəzləşdirilmiş informasiya şəbəkəsinə qoşulub.

2010-cu ildə qaz ölçü qovşaqlarında quraşdırılmış ölçü-hesablayıcı vasitələrin respublikada qüvvədə olan normativ-texniki tələblərə, standartlara uyğunlaşdırılması və bu istiqamətdə yenidənqurma işlərinin aparılması da nəzərdə tutulub.
# 458

Oxşar yazılar