Dəmiryolunda fasilələr və gecikmələr yarandı
05 fevral 2010 15:30 (UTC +04:00)

Dəmiryolunda fasilələr və gecikmələr yarandı

“Azərbaycan Dəmir Yolları” gücləndirilmiş iş rejiminə keçib

Yanvar ayının 4-dən 5-nə keçən gecə yağan güclü qar nəticəsində dəmir yolunda qatarların hərəkətində müəyyən fasilələr yaranıb. Bu barədə Lent.az-a “Azərbaycan Dəmir Yolları” Qapalı Səhmdar Cəmiyyətinin (QSC) mətbuat xidmətindən bildirilib. “Fövqəladə situasiya yarandığına halda respublika daxilində hərəkət edən sərnişin qatarlarının hərəkətinə surət məhdudiyyəti qoyulur. Məhz bu səbəbdən sərnişin qatarlarının mənzil başına və geriyə hərəkətində müəyyən gecikmələr qeydə alınır”.

Məlumatda bildirilib ki, bu gün Şimal istiqamətində hərəkət edən 55-56 saylı Bakı–Moskva (saat 19-50-də), 373-374 saylı Bakı-Tümen (saat 17.00-da) sərnişin qatarları cədvəl üzrə yola duşəcək və 373-374 saylı Bakı-Tümen sərnişin qatarı cədvəl üzrə saat 18.37-də Bakıya gələcək.

Yerli istiqamətdə hərəkət edən sərnişin qatarları Bakıdan cədvəl üzrə yola düşəcək.
Havaların kəskin dəyişməsi ilə bağlı “Azərbaycan Dəmir Yolları” Qapalı Səhmdar Cəmiyyətinin kollektivi gücləndirilmiş iş rejiminə keçib. Yolların qardan təmizlənməsi işləri həyata keçirilir.

Pərvin ABBASOV
# 285

Oxşar yazılar