Bakı-Naxçıvan aviareyslərinin sayı azaldıldı
02 fevral 2010 11:15 (UTC +04:00)

Bakı-Naxçıvan aviareyslərinin sayı azaldıldı

Reyslərin azaldılmasının səbəbi sərnişinlərin az olması ilə bağlıdır

«Azərbaycan Hava Yolları» QSC (AZAL) bu gündən etibarən Bakı-Naxçıvan marşrutu üzrə sərnişin aviareyslərinin sayını azaldıb.


AZAL-dan «APA-ECONOMICS»ə verilən məlumata görə, əgər bundan öncə sözügedən marşrut üzrə həftənin hər günü uçuşlar 3 dəfə yerinə yetirilirdisə, artıq fevralın 2-dən etibarən hər gün iki uçuş həyata keçirilir: «Reyslərin azaldılmasının səbəbi sərnişinlərin az olması ilə bağlıdır. Bu gündən Bakıdan Naxçıvana təyyarə hər gün saat 14:20-də və 20:40-da, Naxçıvandan Bakıya isə 16:40-da və 22:50-də uçuşlar yerinə yetirəcək».


Qeyd edək ki, hazırda «Tu-154» avialayneri ilə yerinə yetirilən Bakı-Naxçıvan marşrutuna bir aviabiletin qiyməti 75 manat, 5-12 yaşda uşaqlar, tələbər, həmçinin I və II qrup əlillər üçün isə 65 manat təşkil edir.
# 330

Oxşar yazılar