“Real Madrid”in sabiq baş məşqçisi Zinəddin Zidan Madrid klubuna qayıda bilər.
Lent.az xarici mediaya istinadla bildirir ki, bu barədə jurnalist Xose Alvares məlumat yayıb.
Məlumata əsasən, fransız mütəxəssis Karlo Ançelottini əvəz etməyə əsas namizəddir.
Fransız mütəxəssis 2016-2018, eləcə də 2019-2021-ci illərdə “Real Madrid”i çalışdırıb. Bu müddət ərzində o, komandanı iki dəfə La Liqa çempionluğuna aparıb, iki dəfə İspaniya Superkubokunu və UEFA Super Kubokunu qazanıb. İki dəfə Klublararası Dünya Kubokunu və üç dəfə UEFA Çempionlar Liqasının qalibi olub.
Zidan həmçinin 2002-ci ildə “Real Madrid” oyunçusu kimi Çempionlar Liqasının qalibi olub.
“France Bleu” nəşri isə Zidanın Fransanın “Marsel”inə rəhbərlik edə biləcəyini yazıb. Zidan Səudiyyə Ərəbistanından olan şeyxlərin kluba rəhbərlik edəcəyi təqdirdə “Marsel”in baş məşqçisi olmağa hazır olduğunu açıqlayıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
