Həbs edilən "Neftçi" azarkeşlərinin görüntüləri yayıldı

Fevralın 19-u Azərbaycan Premyer Liqasının XXIII turunun "Neftçi" - "Qarabağ" oyunöncəsi (0:1) yaranan gərginlik matçsonrası pis nəticələrlə yadda qalıb. Lent.az-ın futbolpress.az-a istinadən məlumatına görə, qarşılaşmanın sonuna yaxın rәqib azarkeşlәr arasındakı gәrginlik oyunsonrası "razborkaya" çevrilmişdi.

Gərginlik polisin müdaxilәsiylә 9 "Neftçi" azarkeşi polis bölmәsinә aparılıb. Araşdırmalardan sonra onlardan iki nəfər saxlanmaqla, qalanları sərbəst buraxılıb.

Saxlanılan iki nəfər barəsində isə 3 aylıq həbs qətimkan tədbiri seçilib və Şüvəlan İstintaq Tədricxanasına saxlanılır.

Onlar cinayət məcəlləsinin 221-ci (xuliqanlıq) maddəsi ilə təqsirli bilinən Orxan Tanrıverdiyev vә Ümid Alışovdu. Hazırda onların əməlləri ilə bağlı əməliyyat və istintaq tədbirləri davam edir.

Ümid Alışov Bakı Dövlәt Universitetinin "Jurnalistika" fakültәsinin II kurs tələbəsi, Orxan Tanrıverdiyev isə Türkiyədə ali təhsil almaqçün imtahanlara hazırlaşan abituriyentdi.