UEFA 21 yaşadək futbolçular arasında Avropa çempionatının seçmə mərhələsinin Azərbaycanla oyununu buraxan rusiyalı futbolçuların məsələsinə aydınlıq gətirib. Apasport.az saytının məlumatına görə, qitə futbol qurumu şimal qonşularımızın bəzi oyunçularının qadağan olunmuş meldoni preparatından istifadə etməsi ilə bağlı yayılan şayiələri təkzib edib.
UEFA-dan verilən rəsmi açıqlamada qeyd olunub ki, indiyədək heç bir futbolçu meldonidən istifadədə “ilişməyib”. Bununla da qurum futbolçu və onların klublarının mövqeyinin düzgün olduğunu təsdiqləyib.
Qeyd edək ki, Aleksey Mirançuk, Aleksandr Selixov, Kamil Mullin və Aleksandr Kleşenko yığmamızla oyuna çağırılsa da, 2:2 hesabı ilə nəticələnən matçda meydana çıxmayıblar. Bunun 2016-cı ildən qadağan olunmuş preparatdan istifadə ilə bağlılığı iddiası ortaya atılsa da, Rusiya Futbol İttifaqı, klublar və oyunçular bunu təkzib etmişdi.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
