Türkiyə superliqasına yeni vəsiqə qazanan “Balıkəsirspor” Tuncay Şanlını transfer edib. Lent.az-ın Türkiyə mətbuatına istinadına görə, Gökan Ünal, Alanzinyo, Kənan Hasagic, Nuno Koelyo, Ante Kulusiç kimi futbolçuları komandaya cəlb edən Balıkəsir təmsilçisi bir vaxtlar “Fənərbağça” və Türkiyə millisinin əvəzolunmaz futbolçularından sayılan Tuncay Şanlını da heyətinə qatıb. Tərəflərin 1 illik müqavilə bağlayacağı gözlənilir.
Qeyd edək ki, Tuncay Şanlının keçmiş komandası olan “Midilsbro”ya qayıdacağı iddia olunurdu. Xarici klublardan təklif aldığını bildirən Tuncay Türkiyədən ayrılmaq istəmədiyini bildirib. Onun son klubu isə “Bursaspor” olub. Bursa təmsilçisində Şenol Günəş baş məşqçi postuna gətirildikdən sonra Tuncayın klubdan ayrılacağı dəqiqləşib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
