Topaz Premyer Liqası: Qurban Qurbanov doğma rayonunda zərbə aldı

Martın 12-də futbol üzrə Topaz Premyer Liqasında final mərhələsinin daha 3 oyunu keçirilib. Lent.az-ın məlumatına görə, ilk “6-lıq” komandalarından “Bakı” və “Neftçi” paytaxt derbisində üz-üzə gəlib.

Görüş 1:1 hesablı heç-heçə ilə nəticələnib. Hesabı “Neftçi” açsa da, “Bakı” az sonra penalti vurmaq imkanı qazanıb. Lakin Lukas Mario Horvatın zərbəsini flaqmanın qapıçısı Saşa Stamenkoviç dəf edib. Bununla belə, az sonra meydan sahiblərinin supertransferi Marius Pena bərabərlik qolunu vurub.

İlk “6-lığ”ın digər görüşündə “Simurq” Zaqatalada “Qarabağ”ı məğlubiyyətə uğratmağı bacarıb. Yeganə qolun müəllifi Rəşad Eyubov ikinci hissənin sonlarında qırmızı vərəqə alıb. Amma meydan sahibləri qələbəni qoruya bilib. Bununla da “Qarabağ”ın baş məşqçisi Qurban Qurbanov 12 turdan sonra ilk məğlubiyyətlə doğma rayonunda üzləşib.

İkinci “6-lıq”dakı görüşdə isə “Rəvan” Azərbaycan Kubokunun ¼ final mərhələsində hər iki matçda uduzduğu “Xəzər Lənkəran”ı məğlub edə bilib.

11 mart (bazar ertəsi)

“Sumqayıt” - “Turan” (Tovuz) – 4:0

Qollar: Pərdis Fərcad Azad, 5; 8; 19; 23

12 mart (çərşənbə axşamı)

“Bakı” – “Neftçi” (Bakı) – 1:1
Qollar: Marius Pena, 83 - Araz Abdullayev, 43
İstifadə olunmamış penalti: Lukas Mario Horvat, 76 (“Bakı”)

“Rəvan” (Bakı) - “Xəzər Lənkəran” – 1:0
Qol: Juan Manuel Varea, 90 - penalti ilə

Qırmızı vərəqə: Elnur Abdullayev, 74 (“Xəzər Lənkəran”)

“Simurq” (Zaqatala) – “Qarabağ” (Ağdam) – 1:0
Qol: Rəşad Eyubov, 32

Qırmızı vərəqə: Rəşad Eyubov, 81 (“Simurq”)

13 mart (çərşənbə)

15:00. “Qəbələ” – “İnter” (Bakı)
Qəbələ şəhər stadionu

15:00. “Kəpəz” (Gəncə) – AZAL (Bakı)
Bakı, “Dalğa Arena”.

Turnir cədvəli:

N	Komandalar	O	Q	H	M	T	X
1	Neftçi	23	14	3	6	48-25	45
2.	İnter	22	11	8	3	24-12	41
3.	Simurq	23	10	9	4	26-15	39
4.	Qarabağ	23	10	9	4	30-20	39
5.	Qəbələ	22	9	5	8	26-27	32
6.	Bakı	23	6	13	4	25-16	31
7.	AZAL	22	7	8	7	32-25	29
8.	Xəzər Lənkəran	23	7	7	9	32-28	28
9.	Sumqayıt	23	6	7	10	24-39	25
10.	Rəvan	23	7	4	12	24-36	25
11.	Turan	23	6	5	12	24-39	23
12.	Kəpəz	22	2	4	16	12-45	10