Futbol üzrə Topaz Premyer Liqasında XXVIII tur matçlarının başlama saatı və yeri açıqlanıb. Lent.az-ın məlumatına görə, final mərhələsində ikinci dövrənin ilk turuna təsadüf edəcək qarşılaşmalar həftəsonu oynanılacaq.
İlk oyun günündə ikinci “6-lığ”ın 2 görüşü baş tutacaq. Həm Bakıdakı “Dalğa Arena”, həm də “Bayıl Arena”dakı görüşlər eyni saatda başlanacaq. Autsayder “Kəpəz” “Sumqayıt”ı qəbul edəcək. 11-ci pillədəki “Turan” isə “Rəvan”ın qonağı olacaq.
Ertəsi gün isə 4 görüş 2 fərqli saatda başlanacaq. Əvvəlcə ilk “6-lığ”ın son 2 pilləsində yer alan “Bakı” və “Qəbələ” meydana çıxacaq. Onlar saat 16:00-da müvafiq olaraq, “Simurq” və “Qarabağ”ı sınağa çəkəcəklər. Tura isə hər iki “6-lıq” liderlərinin iştirakı ilə baş tutacaq oyunlarla yekun vurulacaq. Lider “Neftçi” “İnter”i, 7-ci pillədəki AZAL isə “Xəzər Lənkəran”ı qəbul edəcək.
27 aprel (şənbə)
17:00. “Kəpəz” (Gəncə) – “Sumqayıt”
Bakı, “Dalğa Arena”
17:00. “Rəvan” (Bakı) – “Turan” (Tovuz)
Bakı, “Bayıl Arena”
28 aprel (bazar)
16:00. “Bakı” – “Simurq” (Zaqatala)
“Bakı” klubunun təlim-məşq bazasının stadionu
16:00. “Qəbələ” – “Qarabağ” (Ağdam)
Qəbələ şəhər stadionu
18:00. “Neftçi” – “İnter”
“Bakcell Arena” stadionu
18:00. AZAL – “Xəzər Lənkəran”
“AZAL Arena” stadionu.