Nigeriya milli komandasının sabiq futbolçusu Taribo Uest yaşını 12 il azaldıb. Lent.az-ın məlumatına görə, bu barədə “dailymail.co.uk”a Serbiya “Partizan”ının eks-prezidenti Jarko Zeseviç açıqlama verib.
O bildirib ki, məşhur müdafiəçi 2002-ci ildə “Partizan”la müqavilə bağladığı vaxt 28 yaşında olduğu deyilib: “Sonradan Uestin həmin anda 40 yaşında olduğunu bildik. Lakin o, yaxşı oynadı və komandada olmasına təəssüflənmədik. 44 yaşında həkimlər futbolçuya bioloji yaşının 32 olduğunu dedilər. Amma dizindəki müayinə zamanı həkimlərdə Uestin yaşının çox olmasına dair şübhələr yarandı”.
Qeyd edək ki, hazırda “Vikipediya”da Taribo Uestin 39 yaşında olduğu yazılıb. Uest 1996-cı ildə Nigeriya yığmasının heyətində Atlanta Yay Olimpiya Oyunlarının qızıl mükafatçısı olub. Onun ən yaxşı illəri isə Fransa “Oser”i və İtaliya “İnter”ində keçib.