Rəsul Çunayev finalda erməni rəqibini məğlub etdi
09 sentyabr 2015 11:23 (UTC +04:00)

Rəsul Çunayev finalda erməni rəqibini məğlub etdi

 
 
APA TV-nin Azərbaycan Güləş Federasiyasının saytına istinadən məlumatına görə, İlk Avropa Oyunlarının qalibi, 71 kq çəkidə mübarizə aparan Rəsul Çunayev finala qədər yüksələ bilib.
 
İlk olaraq Monakdon Frank Hassli üzərində qələbə qazanan Rəsul ardınca Rusiya təmsilçisi Adam Kuraka heç bir şans verməyib. Yerli azarkeşlərin güclü dəstəyinə rəğmən, ABŞ təmsilçisi Castin Daşaun Lesteri də tam üstünlüklə məğlub edən Rəsul yarımfinala yüksəlib.
 
Finalın bir addımlığında Belarus güləşçisi Tsimur Berdiyevi də tam üstünlüklə məğlub edən Rəsul Çunayev finalda Ukrayna təmsilçisi Armen Vardanyana qalib gələrək, dünya çempionatının qızıl medalına sahib olub.
 
Qeyd edək ki, Las Veqasda keçirilən dünya çempionatında 2016-cı il Rio-de Janeyro Yay Olimpiya Oyunlarına ilk lisenziyalar qazanılıb.
 
İlk iki yarış gününün yekunlarına əsasən, güləşçilərimizdən Rövşən Bayramov (59 kq), Elvin Mürsəliyev (75 kq) və Sabah Şəriəti (130 kq) Olimpiya Oyunlarına vəsiqə əldə edib.
# 149
avatar

Oxşar yazılar