Ramin Musayev: “Ayın ən passiv futbolçusunu seçək”
29 aprel 2013 16:25 (UTC +04:00)

Ramin Musayev: “Ayın ən passiv futbolçusunu seçək”

Peşəkar Futbol Liqasının (PFL) prezidenti Ramin Musayev jurnalistlərdən gileylənib. Lent.az-ın məlumatına görə, Musayev “ayın futbolçusu” tədbirinə gələn yazarların sayının azlığını vurğulayıb.

Musayev deyib: “Yazarları az görürəm, bilmirəm küsüblər, ya nədəndirsə. Futbolçular son zamanlar cavabdehlikdən qaçırlar. Jurnalistlər futbolçulardansa rəhbərləri tənqid edirlər. Sanki futbolu rəhbərlər oynayırlar”.

PFL prezidentinin fikrincə, yaxşı olardı ki, ayın passiv futbolçusu da seçilsin: “Bura legionerləri qatmayaq. Millinin oyunçusu yaxşı çıxış edə bilmirsə, onu tənqid edək. Amma hamı Ramin Musayevi tənqid edir. Bilmirəm, yaxşı səslənir ona görə... Artıq Topaz-ın sayəsində oyunların yayımı 2 dəfə artıb. I divizion bizim xahişimizdən sonra Topazın sayəsində yayımlanmağa başlayıb. Bunu heç kim yazmır”.

# 498
avatar

Oxşar yazılar