Futbol üzrə Topaz Premyer Liqasında XXII tura yekun vurulub. Lent.az-ın məlumatına görə, hesabat turu daha çox Mustafa Dənizlinin “Xəzər Lənkəran”ın baş məşqçi postunda ilk məğlubiyyəti ilə əlamətdar olub.
Lənkəran komandası türkiyəli mütəxəssisin rəhbərliyi altında çempionatdakı 7-ci matçında “Bakı”ya uduzub – 0:2. İlk qolu 70-ci dəqiqədə Yure Travner vurub. 90-cı dəqiqədə isə Rauf Əliyev matçda son nöqtəni qoyub. Bu, “Bakı”nın qış fasiləsindən sonra ardıcıl 4-cü qələbəsi olub. Paytaxt təmsilçisi xallarını 39-a çatdıraraq, 3-cü pilləyə yüksəlib.
“Qarabağ” da autsayderlərdən olan “Rəvan”ı eyni hesabla yenib. Paytaxt təmsilçisi liderə uzun müddət müqavimət göstərsə də, meydana yenicə daxil olan Leroy Corc 61-ci dəqiqədə ilk qolu vurub. Bundan 7 dəqiqə sonra Corc “dubl” edib. Bu qələbə sayəsində “Qarabağ” liderliyini davam etdirib və ən yaxın izləyicisi ilə 4 xallıq fərqi qoruyub.
Zaqatalanın “Simurq” komandası autsayder “Sumqayıt”ı darmadağın edib – 4:0. Hesabı 13-cü dəqiqədə penaltidən Draqan Çeran açıb. Bundan 7 dəqiqə sonra İdan Vaytsman fərqi artırıb. 28-ci dəqiqədə Vurğun Hüseynov ikinci sarı vərəqənin ardından qırmızı vərəqə alaraq, “Sumqayıt”ı azlıqda qoyub. “Simurq” say üstünlüyündən faydalanaraq, ikinci yarıda daha 2 qol vurub. 48-ci dəqiqədə Draqan Çeran “dubl” edib. 86-cı dəqiqədə isə Salif Ballo matçda son nöqtəni qoyub.
“Neftçi” – “İnter” matçında da qapılara 4 qol vurulub. Amma qonaqlar iki dəfə hesabda önə keçsələr də, qələbəyə nail ola bilməyiblər. Hesabı 29-cu dəqiqədə Yohan Bokonyano açıb. Əsas hadisələr matçın son bölümündə cərəyan edib. 76-cı dəqiqədə “İnter”in futbolçusu Brüs Abdulaye əllə oynadığı üçün baş hakim Fariz Yusifov penalti təyin edib. “Neftçi”nin gənc yarımmüdafiəçisi Araz Abdullayevin zərbəsi dəqiq olub. Lakin 5 dəqiqə sonra qonaqların gürcüstanlı legioneri Laşa Salukvadze “bankirlər”i hesabda yenidən irəli çıxarıb. Amma 86-cı dəqiqədə Ruslan Qurbanov “Neftçi”nin bərabərlik qolunu vurub – 2:2.
Turun açılış oyununda isə AZAL “Qəbələ”ni qəbul edib. Oyun qonaqların 2:1 hesablı qələbəsi ilə yekunlaşıb. Amma hesabı meydan sahibləri açıb. 39-cu dəqiqədə “Qəbələ”nin kapitanı Volodimir Levin əllə oynadığı üçün baş hakim Rəhim Həsənov penalti təyin edib. AZAL-ın yeni transferi Nedo Turkoviçin zərbəsi dəqiq olub. “Qəbələ” 5 dəqiqə sonra bərabərlik qolunu vurub. Daniel Subotiç bu mövsüm 10-cu qolunu vuraraq, bombardirlər siyahısında “İnter”in hücumçusu Vaqif Cavadovun liderliyinə şərik olub. Qonaqlar qələbə topuna 71-ci dəqiqədə imza atıblar. Daha doğrusu, AZAL-ın futbolçusu Şəhriyar Rəhimov topu öz qapısına göndərib.
19 fevral (çərşənbə)
AZAL (Bakı) – “Qəbələ” – 1:2
Qollar: Nedo Turkoviç, 39 – penalti ilə - Daniel Subotiç, 44. Şəhriyar Rəhimov, 71 - öz qapısına
“Neftçi” (Bakı) – “İnter” (Bakı) – 2:2
Qollar: Araz Abdullayev, 76 – penalti ilə. Ruslan Qurbanov, 86 - Yohan Bokonyano, 29. Laşa Salukvadze, 81
“Simurq” (Zaqatala) – “Sumqayıt” – 4:0
Qollar: Draqan Çeran, 13 – penalti ilə; 48. İdan Vaytsman, 20. Salif Ballo, 86
Qırmızı vərəqə: Vurğun Hüseynov, 28 (“Sumqayıt”)
“Rəvan” (Bakı) – “Qarabağ” (Ağdam) – 0:2
Qollar: Leroy Corc, 61; 68
“Xəzər Lənkəran” – “Bakı” – 0:2
Qollar: Yure Travner, 70. Rauf Əliyev, 90
Turnir cədvəli
|
komanda |
o |
q |
h |
m |
t |
x |
1 |
Qarabağ |
22 |
13 |
6 |
3 |
36-13 |
45 |
2 |
Qəbələ |
22 |
13 |
2 |
7 |
34-21 |
41 |
3 |
Bakı |
22 |
12 |
3 |
7 |
39-22 |
39 |
4 |
Neftçi |
22 |
11 |
6 |
7 |
34-25 |
39 |
5 |
İnter |
22 |
11 |
4 |
7 |
34-25 |
37 |
6 |
Xəzər L |
22 |
7 |
8 |
7 |
22-30 |
29 |
7 |
Simurq |
22 |
7 |
7 |
8 |
23-19 |
28 |
8 |
AZAL |
22 |
6 |
7 |
9 |
22-31 |
25 |
9 |
Rəvan |
22 |
1 |
7 |
14 |
12-42 |
10 |
10 |
Sumqayıt |
22 |
1 |
6 |
15 |
14-42 |
9 |
Bombardirlər: Vaqif Cavadov (“İnter”), Daniel Subotiç (“Qəbələ”) – hərəyə 10 qol.