Millimiz Litvaya qarşı

Milli komandamız bu gün yeni baş məşqçi Nikola Yurçeviçin rəhbərliyi altında ikinci oyununa çıxacaq.

Yığmamız yoldaşlıq oyununda Bakıda Litva seçməsi ilə qarşılaşacaq. "Bakcell Arena"da keçiriləcək görüş saat 18:00-da başlayacaq.

Litva ilə oyun komandamızın bu yığmaya qarşı 3-cü matçı olacaq. Azərbaycan millisi bundan əvvəlki 2 qarılaşmanın birində qalib (2:1), digərində isə məğlub (0:1) olub.

Qeyd edək ki, millimiz 4 gün öncə AÇ-2020-nin seçmə mərhələsində səfərdə Xorvatiyaya 1:2 hesabı ilə uduzub.

Yoldaşlıq oyunu

25 mart (bazarertəsi)

18:00. Azərbaycan - Litva
Hakimlər: Fesnik Horatiu, Avram Valentin, Çerei Alexandru (Rumıniya), Orxan Məmmədov
Bakı. "Bakcell Arena"