“Bakı-2015”in rəsmi mağazası açıldı

Bu gün Dənizkənarı Milli Parkda Bakı-2015 Avropa Oyunlarının rəsmi dəstəkçisi və məhsulların rəsmi tədarükçüsü "Bazarstore" mağazalar şəbəkəsinin mağazası açılıb.

Lent.az-ın məlumatına görə, açılış mərasimində çıxış edən Bakı 2015-in Əməliyyat Komitəsinin baş direktoru Saymon Kleq bildirib ki, satışa çıxarılan məhsullar hər kəsə Azərbaycanda və Avropada yaşanacaq idman həyəcanının bir parçası olmaq imkanını verəcək.

Qeyd edək ki, məhsullar orijinallığı təsdiqləyəcək holoqramla təmin olunacaq.

Azərsun Holdinqin İctimaiyyətlə Əlaqələr və Biznesin İnkişafına Dəstək şöbəsinin müdiri Afiq Səfərov isə bildirib ki, Dənizkənarı Milli parkın ərazisində qurulan mağaza ilə yanaşı Bakı 2015 Birinci Avropa oyunlarının simvollarının əks olunduğu məhsullar "Bazarstore"nin bütün mağazalarında və oyunların keçirildiyi 6 stadionda, 3 alış-veriş mərkəzində, Atlet və Media kəndlərində satışa çıxarılacaq.