İtaliya milli komandasının futbolçusu Mario Balotelli “Milan”ın heyətində 4-cü qolu vurub. Lent.az-ın məlumatına görə, Balotelli A seriyasında 25-ci turun açılış oyunu sayılan “Parma” ilə qarşılaşmada da fərqlənib.
Hesabı 39-cu dəqiqədə “Parma”nın oyunçusu Qabriel Paletta öz qapısına göndərib. 78-ci dəqiqədə Balotelli “Milan”ın aktivinə ikinci qolu yazdırıb. Qonaqlar yalnız uzatma dəqiqələrində təsəlli qolunu vurublar. Nikola Sansone fərqlənib.
Beləliklə, “Milan” 2:1 hesablı qələbə sayəsində xallarını 44-ə çatdıraraq, 3-cü pilləyə yüksəlib. 25-ci turun qalan oyunları 16 – 18 fevralda olacaq.
Qeyd edək ki, Mario Balotelli “Milan”ın heyətində əvvəlki görüşlərdə “Udineze”ni 2, “Kalyari”ni 1 dəfə məyus edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
