Jurnalist Mourinyonu İngiltərəyə “apardılar”

Joze Mourinyo yayda İspaniyanın “Real Madrid” futbol klubunun baş məşqçi postunu tərk edəcək. Lent.az-ın məlumatına görə, bu barədə idman jurnalisti Xose Ramon de la Morena yazıb.

O bildirib ki, portuqaliyalı mütəxəssis “kral klubu”nun göstərəcəyi nəticədən asılı olmayaraq, komandadan ayrılacaq. Əsas arqument kimi təcrübəli baş məşqçinin “Real Madrid”in növbəti mövsümü öncəsi təlim-məşq toplantılarının hazırlıq işlərinə və Çin turnesinin təşkilinə mövsüm öncəsi hazırlıq prosesinə qatılmaması göstərilir.

Mourinyonun karyerasını harada davam etdirəcəyi açıqlanmır. Daha çox İngiltərənin “Çelsi” komandası ehtimal olunur. Onun habelə, “Mançester Yunayted”in sükanı arxasında Aleks Ferqyusonu əvəzləyəcəyi bildirilir.

Qeyd edək ki, Joze Mourinyo “Real Madrid”ə 2010-cu ilin mayında gəlib. Bu müddətdə Mourinyo 2 dəfə İspaniya çempionluğu və kuboku, eləcə də Superkuboku qazanıb. O, 4 Avropa ölkəsinin – İspaniya, İngiltərə, İtaliya və Portuqaliyanın çempionu olan yeganə mütəxəssisdir. Portuqaliyalı mütəxəssis Portuqaliya “Portu”su və İtaliya “İnter”i ilə Çempionlar Liqasını da əldə edib.