Futbol üzrə Avropa kuboklarında 2013-2014-cü il mövsümünün püşkatma mərasiminin vaxtı açıqlanıb. Lent.az-ın UEFA-nın rəsmi saytına istinadən verdiyi məlumata görə, iyunun 24-də İsveçrənin Nyon şəhərində təşkil olunacaq mərasim Çempionlar Liqasının I və II təsnifat mərhələlərinin püşkü ilə start götürəcək.
Bu, Bakı vaxtı ilə saat 15:00-a təsadüf edəcək. Saat 16:00-da Avropa Liqasının I, 17:30-da isə II təsnifat mərhələsinin püşkatması başlayacaq. Tədbiri UEFA-nın baş katibi Canni İnfantino və qurumun yarışlar üzrə direktoru Corco Marketti aparacaq.
Qeyd edək ki, Azərbaycanı Çempionlar Liqasında “Neftçi”, Avropa Liqasında isə “Xəzər Lənkəran”, “Qarabağ” və “İnter” təmsil edəcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
