“Barselona” klubu futbol üzrə İspaniya Kubokunun son yarımfinalçısı olub. Lent.az-ın məlumatına görə, Kataloniya təmsilçisi ¼ final mərhələsində “Malaqa”nı mübarizədən kənarlaşdırıb.
İlk oyunda 2:2 hesablı heç-heçəyə nail olan “Barsa” cavab görüşündə 4:2 hesablı qələbə sayəsində mərhələ adlayıb. Baş məşqçi Tito Vilanovanın komandasının yarımfinalda rəqibi “Real Madrid” olacaq. “Kral klubu” ¼ finalda “Valensiya”nı 2:0 və 1:1 hesablı nəticələrlə üstələyib. Əzəli rəqiblərin ilk görüşü yanvarın 30-da, cavab qarşılaşması isə fevralın 27-də olacaq.
Qeyd edək ki, İspaniya Kubokunun digər yarımfinalında “Atletiko” ilə “Sevilya” üz-üzə gələcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
