"Qarabağ"ın qələbəsini əlindən alan hakimə hədiyyə göndərdilər

"Qarabağ"ın Avropa Liqasının qrup mərhələsində "İnter"lə oyunda üzləşdiyi haqsızlığa Çexiyada yaşayan həmvətənlərimiz qəribə reaksiya veriblər. Lent.az-ın futbol11.az istinadən verdiyi xəbərə görə, həmvətənlilərimiz Çexiya Futbol Federasiyasına "hədiyyə" göndərib. Həmin hədiyyə paketinin içərisində isə -4 ölçülü eynək olub. Onun hakim Zelinkaya təqdim olunması xahiş edilib. Bununla da, həmyerlilərimiz hakimin gözünün "kor" olmasını Çexiya Futbol Federasiyasının rəhbərliyinə də bildirmək istəyib.