İngiltərənin “Çelsi” klubunun futbolçusu Eden Azar İngiltərə Liqa Kubokunun yarımfinalında “Suonsi” ilə cavab görüşü zamanı topdaşıyanı təpiklə vurub. Lent.az-ın məlumatına görə, hadisə 79-cu dəqiqədə baş verib.
Azar meydanın hüdudlarından kənara çıxan topu yeniyetmədən almağa cəhd edib. Həmin oğlan isə topun üstünə uzanaraq, 22 yaşlı yarımmüdafiəçiyə müqavimət göstərib. Bu zaman Azar topu alıb və yerə uzanan topdaşıyanın qabırğasına təpik atıb. Oyun 0:0 hesabı ilə başa çatıb. İlk görüşdə 2:0 hesabı ilə qalib gəldiyi üçün “Suonsi” finala yüksəlib.
Qeyd edək ki, Eden Azar 2011 və 2012-ci illərdə Fransanın ən yaxşı futbolçusu seçilib. Ötən ilin yayında o, “Lill”dən “Çelsi”yə keçib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
