Elbrus Məmmədov: Komandadan tam narazıyam

“Qələbəyə ehtiyacımız vardı. Ardıcıl oyunlarda uğursuzluğa düçar olurduq. Amma biz komandaya, futbolçulara inandıq”. Apasport.az saytının məlumatına görə, bu sözləri “Bakı” – “Xəzər Lənkəran” qarşılaşmasından sonra paytaxt klubunun baş məşqçisi İbrahim Uzunca deyib. Türkiyəli mütəxəssis bildirib ki, çətin oyunlardan sonra futbolçuların nə vaxtsa qələbə qazanacağı gözlənilən idi:

“Xüsusən də, son 3 oyunda sərgilədiyimiz futbolla uğura çatacağımıza inanırdım. Meydançada 10 nəfər qalandan sonra müəyyən mənada çətinliklərimiz oldu. Amma sonda qalib gələ bildik. Qələbəyə görə oyunçularıma təşəkkür edirəm”.

“Xəzər Lənkəran”ın baş məşqçisi Elbrus Məmmədov isə rəqibi qələbə münasibəti ilə təbrik edib və ilk hissədə çox zəif oynadıqlarını deyib:

“İkinci hissədə nəsə etməyə çalışdıq. Amma vəziyyəti düzəldə bilmədik. Komandadan tam narazıyam”.