Dünya çempionatının yeni qəhrəmanı danışdı

Uruqvayla matçda iki qol vuraraq komandasına qələbə qazandıran (2:0) Kolumbiya millisinin yarımmüdafiəçisi Ceyms Rodriges açıqlama verib. Lent.az-ın məlumatına görə, 5 qolla mundialın bombardirlər siyahında birinciliyi ələ alan 22 yaşlı futbolçu FİFA-nın saytına açıqlamasında deyib ki, o, bu arzusunu gerçəklədirmək üçün çox çalışıb: “İşə düzgün yanaşma olanda istədiyinə nail ola bilərsən. Beş qol vurmağım asan olmadı. Amma əgər insan arzusunu gerçəkləşdirmək üçün səylə çalışırsa, hər şey mümkündür. İstənilən fantaziya belə gerçəyə çevrilə bilər”.