Braziliya hökuməti San-Pauludakı “Arena Korintians”da müvəqqəti tribuna tikintisini dayandırıb. Lent.az-ın məlumatına görə, buna ötən şənbə günü stadionda fəhlələrdən birinin ölümü səbəb olub.
Fəhlə 8 metr hündürlükdəki dayaq üzərindən yıxılıb. Bu, artıq “Korintians Arena”da 3-cü ölüm hadisəsidir. Ötən ilin noyabrında stadionun tikinti meydançasında kranın aşması nəticəsində 2 nəfər ölüb.
Qeyd edək ki, dünya çempionatının açılış oyunu iyunun 12-də məhz “Korintians Arena”da keçirilməlidir. Həmin matçda Braziliya və Xorvatiya milliləri üz-üzə gəlməlidirlər. Amma inşaatçılar qalan müddətədək stadionu istifadəyə verməkdə çətinliklə üzləşiblər. İşlərin yenidən dayandırılması onlara əlavə problemlər yaradacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
