"Qalatasaray" 15 illik həsrətə son qoya bilmədi

Türkiyə Superliqasında XIII turun növbəti oyunları keçirilib. Apasport.az-ın məlumatına görə, tur “Kasımpaşa” – “Akhisar” matçı ilə başlayıb.

Meydan sahiblərinin 2 top fərqi ilə üstün olduğu matçda qələbəni ədən verib – 2:2.

Turun II günü “Gənclərbirliyi” “Ərciyəsspor”u səfərdə 2:4 hesabı ilə məğlub edib.

“Balıkəsirspor” “Rizəspor”la (2:2), “Əskişəhərspor” isə “Bursaspor”la heç-heçəyə raılaşıb – 0:0.

“Beşiktaş” səfərdə “Sivasspor”la münasibətlərinə aydınlıq gətirib. “Qara qartallar” 0:1 hesabı ilə meydan sahiblərini üstələyib.

Turun mərkəzi görüşü “Şükrü Saracoğlu” stadionunda baş tutub. Lider “Qalatasaray” 3-cü pillədə yer alan “Fənərbaxça”nın qonağı olub. Maraqlı keçən derbidə azarkeşlər yalnız 1 qola şahidlik ediblər. Matçın 81-ci dəqiqəsində Dirk Kyutun vurduğu top “sarı bülbüllər”ə qələbə qazandırıb.

Beləliklə, “Qalatasaray” uduzmasına baxmayaraq, 51 xalla turnir cədvəlində yerini qoruyur. Eyni xala malik olan “Beşiktaş” 2-ci, 50 xalla “Fənərbaxça” 3-cü sıradadı.

Tur isə “Mersin İdmanyurdu” – “Trabzonspor” oyunu ilə başa çatacaq.

Türkiyə Superliqası

XXIII tur

06 mart

"Kasımpaşa” – “Akhisar” - 2:2

Qollar: Böyük, 6, Skaryone, 53 - Dvali, 65-avtoqol, Mezenqa, 75

07 mart

“Ərciyəsspor” – “Gənclərbirliyi” - 2:4

Qollar: Sylla, 66, Gurler, 90+1 – Qleb, 33, Landel, 44; 82, Çəlik, 77

“Balıkəsirspor” – “Rizəspor” - 2:2

Qollar: Zeç, 4, Kulusiç, 49 – Karakas, 77, Kueuke, 83

"Əskişəhərspor” – “Bursaspor” - 0:0