Berti Foqs meydana bu oyunçuları buraxacaq - SİYAHI

Bu gün milli komandamız AVRO-2016-nın seçmə mərhələsi çərçivəsində Bolqarıstan millisi ilə ilk oyununa çıxacaq. Lent.az-ın məlumatına görə, saat oyun saat 21-də "Bakcell Arena"da baş tutacaq.

Maraqla gözlənən maçta Berti Foqsun ilk 11-liyi təxmini bilinib.

Qapını Kamran Ağayevə tapşıracaq alman çalışdırıcı müdafiənin mərkəzini "Qarabağ"ın oyunçularına - Rəşad Sadıqovla Bədavi Hüseynova etubar edəcək. Müdafiənin sol cinahında da "Qarabağ"lı oynayacaq. Belə ki, Foqts Rusiya ilə oyundan sonra U-21-dən dəvət etdiyi Tərlan Quliyevə yer verəcək. O, Ruslan Əmircanovu əvəzləyəcək. Əslində Foqts bu mövqedə Ufuk Budakı da oynada bilərdi. Lakin o, Tərlana tez-tələsik dəvət göndərməklə məhz onu meydana buraxmaq niyyətində olduğunu göstərib. Müdafiənin sağ cinahı isə Mahir Şükürova tapşırılacaq.

Ruslan Abışovla Qara Qarayev dayan yarımmüdafiəçisi kimi meydana çıxacaq. Yarımmüdafiənin sağ cinahında Araz Abdullayev, solunda isə böyük ehtimalla Vaqif Cavadov oynayacaq.

Foqts ön xəttə Rauf Əliyevlə Rüfət Dadaşova güvənəcək. Rauf Rüfətin arxasında - yarımmüdafiənin mərkəzində oynayacaq.