Heydər Əliyevin 90 illik yubileyi münasibətilə mayın 1-də Bayıl stadionunda veteran futbolçular arasında keçiriləcək beynəlxalq yoldaşlıq oyunu ilə əlaqədar Bakıda səfərdə olan almaniyalı məşhur futbol veteranı Bernd Şuster AFFA-nın baş katib Elxan Məmmədovla görüşüb. Lent.az-ın məlumatına görə, qonağı salamlayan E.Məmmədov AFFA-nın dəvətini qəbul etdiyi üçün ona minnətdarlığını bildirib.
Öz növbəsində B.Şuster Azərbaycanda olmasından böyük məmnunluq hissi keçirdiyini və veteranlar arasında keçiriləcək yoldaşlıq oyununu səbirsizliklə gözlədiyini deyib.
AFFA-nın Futbol akademiyasına gedən almaniyalı futbol veteranı buradakı şəraitlə tanış olub və Azərbaycan milli komandasının futbolkasının üzərinə xatirə imzası çəkib.
Baş katib AFFA-nın hədiyyələrini Bernd Şusterə təqdim edib.