FİFA dünya yığmalarının növbəti reytinq siyahısını dərc edib. Lent.az-ın məlumatına görə, Azərbaycan milli komandası ötən ayla müqayisədə 2 pillə irəliləyib.
Hazırda 286 xala malik yığmamız 116-cı pillədədir.
Millimizin 2014-cü il dünya çempionatının seçmə qrup mərhələsindəki rəqiblərindən Portuqaliya 1 pillə geriləyib və 1133 xalla 7-ci pilləyə enib. Rusiya 1064 xalla 10-cu pillədə qalıb. 8 pillə geriləyən İsrail 485 xalla 74-cü, 5 pillə irəliləyən Şimali İrlandiya 367 xalla 97-cidir. Millimizlə martın 22-də üz-üzə gələcək Lüksemburq isə 3 pillə geriləyib və 157 xalla 151-ci mövqedə qərarlaşıb.
Siyahının ilk 6 və 8 – 10-cu pillələrində heç bir dəyişiklik baş verməyib:
1. İspaniya – 1610 xal
2. Almaniya – 1473
3. Argentina – 1309
4. İngiltərə - 1174
5. İtaliya – 1173
6. Kolumbiya – 1159
8. Hollandiya – 1106
9. Xorvatiya – 1080
Türkiyə yığması isə daha 4 pillə geriləyib. Hazırda “ay-ulduzlular” 616 xalla 45-cidir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
