Azərbaycan milli komandası futzal üzrə Avropa çempionatının final mərhələsinə vəsiqə qazanıb. Lent.az-ın məlumatına görə, millimiz əsas seçmə mərhələnin son oyununda Slovakiya yığmasını 2:1 hesabı ilə məğlub edib.
Rəqib qapısından topları Biro Jade və Namiq Məmmədkərimov keçirib. Komandamız qrupdakı ilk oyunda Norveçi 6:0, ikinci qarşılaşmada isə Bosniya və Herseqovina millisini 3:2 hesabı ilə yenib.
Beləliklə, millimiz 2014-cü il yanvarın 28-dən fevralın 8-dək Belçikanın Antverpen şəhərində təşkil olunacaq Avropa çempionatının final mərhələsinə maksimum nəticə ilə, qrup birincisi olaraq vəsiqə əldə edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
