Azərbaycan Kuboku: İlk yarımfinal oyunlarının saatı və yeri açıqlandı

Aprelin 17-də keçiriləcək futbol üzrə Azərbaycan Kubokunda yarımfinal mərhələsinin ilk görüşlərinin başlama saatı və yeri açıqlanıb. Lent.az-ın məlumatına görə, əvvəlcə nəzərlər "Bakı" - "Xəzər Lənkəran" matçına yönələcək.

“Bakı” klubunun təlim-məşq bazasında keçiriləcək görüş saat 16:00-da başlanacaq. Saat 19:30-da isə “Bakcell Arena”da "Neftçi" - "Qarabağ" matçının start fiti səslənəcək.

Qeyd edək ki, yarımfinal mərhələsinin cavab qarşılaşmaları aprelin 24-də olacaq.