İtaliyanın San Benedetto del Tronto şəhərində çimərlik futbolu üzrə Avropa Çempionlar Kubokunun püşkü atılıb. Lent.az-ın məlumatına görə, mayın 15-də start götürəcək yarışın 20 iştirakçısı arasında Azərbaycan təmsilçisi “Bakı” da var.
Komandamız E qrupunda yer alıb. Rəqiblər isə İtaliyanın ASD “Terraçina”, Polşanın “Qrembax Lodz” və Litvanın “Kreiss” klublarıdır. Yarışın baş hakimi çimərlik futbolu üzrə azərbaycanlı FİFA referisi Əfqan Həmzəyev olacaq. O, həm də “Bakı”nı turnirə aparacaq.
Qeyd edək ki, 5 qrupun qalibləri və 2-ci yeri tutanlar arasında ən yaxşı göstəriciyə malik 3 komanda ¼ finala yüksələcək. Bundan sonra mübarizə “pley-off” sistemi ilə davam etdiriləcək. Final görüşü mayın 19-da keçiriləcək. Oyunlar San Benedetto del Trontodakı “Rive delle Palme” stadionunda baş tutacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
