Futbol üzrə Topaz Premyer Liqasında 4-cü turdan təxirə salınmış AZAL – “Neftçi” oyununa təyinatlar açıqlanıb. Lent.az-ın Peşəkar Futbol Liqasının rəsmi saytına istinadən verdiyi məlumata görə, qarşılaşmaya baş hakim qismində FİFA referisi Fariz Yusifov göndərilir.
Ona Rza Məmmədovla Vaqif Musayev yan xətt hakimləri, Rauf Cabbarov isə ehtiyat hakim kimi yardımçı olacaq. Şüvəlandakı “AZAL Arena”da keçiriləcək görüş saat 16:00-da başlanacaq.
Qeyd edək ki, Fariz Yusifov XVI turda AZAL-la oyun zamanı “İnter”in təmiz penaltisini verməyib. Həmin görüş qolsuz tamamlanıb – 0:0. Növbəti turda isə Yusifov “Xəzər Lənkəran”la matçda rəqibi bilərəkdən vuran “Neftçi”nin futbolçusu Flavinyoya qırmızı vərəqə göstərməyib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
