Avropa çempionatında 1 gümüş, 6 bürünc medal qazanmış güləşçilərin mükafatlandırılma mərasimi keçirilib. Lent. az-ın məlumatına görə, tədbirdə Azərbaycan Güləş Federasiyasının baş katibi Əjdər Cəfərov göstərilən nəticələri təhlil edib.
O bildirib ki, böyüklərdən ibarət yığma komandalarımızın bu ilki nəticələri ötənilki nəticələrdən bir qədər aşağı olub. Cəfərovun fikrincə, bunun bir çox obyektiv və subyektiv səbəbləri var: “Gürcüstandakı Avropa çempionatı 2012-ci il London Yay Olimpiya Oyunlarından sonra ilk rəsmi yarış idi. Yığmamızın daha çox gənc üzvlərinə şans verilmişdi. Onlardan bəziləri etimadı doğrultdu.Nəticələri qənaətbəxş hesab etmək olar”.
Tədbirin sonunda güləşçilər mükafatlandırılıb.
Qeyd edək ki, Avropa çempionatında Elçin Əliyev gümüş, Kamran Məmmədov Həsən Əliyev,Yaşar Əliyev Cəmaləddin Məhəmmədov, Patimat Baqometova və Anna Belyayeva bürünc medal qazanıblar.