Ardanın bu hərəkəti dünyanı şoka saldı

Dünən keçirilən İspaniya Kubkunun ¼ final mərhələsinin “Atletiko”nun “Barselona”nı (2:3) qəbul etdiyi qarşılaşmada meydan sahiblərinin türkiyəli futbolçusu Arda Turanın hərəkəti futbol dünyasını şoka salıb.

Lent.az-ın Türkiyə mediasına istinadən verdiyi məlumata görə, matçın 48-ci dəqiqəsində “Barsa”lı futbolçulaırn əhatəsində olan türkiyəli gözlənilməz halda butsını çıxardaraq əsəbi halda yan hakimə tərəf atıb. Futbolçu bu addımını hakimin ona qarşı kobudluğuna göz yumması ilə əlaqələndirib. Nədənsə matçın baş hakimi peşəkar futbolçuya yaraşmayan hərəkətə görə “Atletiko”nun yarımmüdafiəçisinə sarı vərəqə göstərməklə kifayətlənib.

Amma İspan mediası iddia edir ki, intizam komitəsi Ardanı bir neçə oyunluq diskfalivikasiya edəcək.

Xatırladaq ki, Arda Turanın bu addımı sosial şəbəkələrdə geniş müzakirə obyekti olub. Hətta türkiyəli istifadəçilər belə, bu hərəkətinə görə Ardaya nifrət etdiklərini bildiriblər.