Yaponiya futbol yığmasının yeni baş məşqçisi müəyyənləşib. Lent.az-ın məlumatına görə, bu posta bosniyalı mütəxəssis Vahid Halilhodziç gətirilib.
Artıq tərəflər arasında rəsmi müqavilə də imzalanıb. Razılaşmaya əsasən, Halilhodziç 2018-ci ilin yayına qədər Yaponiya millisində işləyəcək. 62 yaşlı çalışdırıcı bu postda meksikalı Xavyer Agirreni əvəzləyib. Qeyd edək ki, Agirrenin rəhbərliyi altında yaponlar Asiya Kubokunda uğursuz çıxış etmişdilər.
1990-cı ildən məşqçilik edən Halilhodziçin son iş yeri Türkiyənin “Trabzonspor” klubu olub. Təcrübəli çalışdırıcı bundan öncə isə Əlcəzair yığmasına başçılıq edib və bu komanda onun rəhbərliyi altında DÇ-2014-də 1/8 finala qədər irəliləyib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
