Əfsanəvi futbolçu Pol Qaskoyn yenidən spirtli içki qəbuluna başlayıb. Lent.az-ın məlumatına görə, həkim alkoqolizmdən əziyyət çəkən İngiltərə yığmasının keçmiş üzvünə içkini qadağan etsə də, o, iradəsinə güc gələ bilmir. Xatırladaq ki, Qaskoyn 2 ay öncə müalicə almaq üçün klinikaya yerləşdirilmişdi. Lakin klinikanı tərk etdikdən sonra yenidən köhnə vərdişinə qayıdıb. Bununla bağlı açıqlama verən Qaskoyn həyatını riskə atdığını anladığını deyib: “Bilirəm ki, sağlamlığımla risk edirəm. Həkimlər mənə dedilər ki, yenidən içsən, öləcəksən. Buna baxmayaraq, yenə içkiyə başladım. Məni ancaq özüm xilas edə bilərəm”.
Qeyd edək ki, 1988-98-ci illər ərzində İngiltərə yığmasının formasını geyinən Qaskoyn millidə 57 oyun keçirib və 10 qol vurub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
