![[b]Federasiya prezidentinə məktubda güllə göndərdilər[/b]](https://lent.az/site/assets/images/breaking-news/lentaz.png)
Yunanıstan Futbol federasiyasının prezidenti hədələnib. Apasport.az saytının məlumatına görə, bu barədə Frans Press Agentliyi xəbər yayıb.
Hadisə həftənin cümə axşamı günü baş verib. Vangelos Qrammenosun iş otağına gələn zərfin içində 3 səhifəlik məktub və 9 mm çapında güllə olub. Həmin vaxt prezident özü işdə olmadığı üçün zərfi onun köməkçisi açıb.
Federasiyadan bu gün verilən bəyanatda hadisə terror kimi qiymətləndirilib və bildirilib ki, bu hal onlarda qətiyyən qorxu və həyəcan hissi yaratmayıb. Hüquq-mühafizə orqanları məsələ ilə bağlı araşdırmalara başlayıblar.
Qeyd edək ki, Qrammenos 2017-ci ilin avqustunda bu posta seçilib və 2020-ci ilə kimi vəzifə başında olacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
