[b]Çempionlar Liqası: [/b]"Telekom" İtaliyadan məğlub dönür

Bu gün qadın voleybolçular arasında Çempionlar Liqasının qrup mərhələsində növbəti oyunlar keçirilib.

Apasport.az saytının məlumatına görə, yarışda Azərbaycanı təmsil edən iki komandadan biri – “Telekom” da ilk oyununa çıxıb.

Superliqanın gümüş mükafatçısı mövsümə İtaliyada start verib. Zoran Qayiçin yetirmələri İtaliya A seriyasının qalibi “Konegliano” ilə qüvvəsini sınayıb.

Oyuna yaxşı başlayan komandamız ilk setdə rəqibi ilə başa-baş mübarizə aparıb. Oyununun gedişində bir neçə dəfə önə keçən "Telekom" sonunda üstünlüyünü qoruya bilməyib. Tərəflərin ölümünə mübarizə apardığı set 31:29 hesabı ilə meydan sahiblərinin xeyrinə yekunlaşıb.

Digər iki setdə isə rahat qələbə qazanan italiyalılar matçdan qalib ayrılmağı bacarıblar.

Qadın voleybolçular arasında Çempionlar Liqası

Qrup mərhələsi

A qrupu

I tur

“Konegliano” (İtaliya) - “Telekom” (Azərbaycan) - 3:0 (31:29, 25:14, 25:22)