![[b]“Beşiktaş”a pişik cəzası [/b]](https://lent.az/site/assets/images/breaking-news/lentaz.png)
Çempionlar Liqasının 1/8 final mərhələsinin cavab oyununda “Bavariya” ilə qarşılaşan və 1:3 hesabı ilə uduzan “Beşiktaş” UEFA tərəfindən cəzalandırılacaq. Apasport.az saytının məlumatına görə, buna səbəb İstanbul klubunun stadionda təhlükəsizlik tədbirlərinə əməl etməməsidir.
Qitənin ali futbol qurumunun raportunda tribunalar arasında keçidlərin tutulması, meydana kənar əşyaların atılması və s. nöqsanlar yer alıb. Maraqlıdı ki, sözügedən raportun sonuncu bəndi meydana pişik girməsi ilə bağlıdır. Matçın baş hakimi oyun zamanı meydançaya girən pişiyə görə matçı bir neçə dəqiqəlik saxlamağa məcbur olmuşdu.
Qeyd edək ki, iki komanda arasındakı ilk oyun Münhen klubunun 5:0 hesablı qələbəsi ilə yekunlaşmışdı.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
