“Simurq” yenidən liderə çevrildi

Bu gün Topaz Premyer Liqasında 49 günlük qış fasiləsi başa çatıb. Apasport.az saytının məlumatına görə, XIX turun ilk 3 oyunu Bakıda keçirilib. Müxtəlif vaxtda başlayacaq matçlarda ikinci “altılıq”dakı komandalar meydan sahibləri olub.

Start oyununda autsayder “Kəpəz” Gəncə şəhər stadionu təmirdə olduğundan, son çempion “Neftçi”ni Mərdəkanda qəbul edib. Gəncəlilərə Premyer Liqada qalmaq üçün 3 xal çox vacib olsa da, əzəli rəqib olan bakılılar ilk matçda olduğu kimi rəqibinə aman verməyib. “Neftçi” yenə 3 top fərqi ilə qalib gəlib və ən azı birgünlük 3-cü pilləyə yüksəlib.

“Rəvan” isə bu il rəsmi oyununa ilk dəfə yeni baş məşqçisi Ramil Əliyevin rəhbərliyi altında çıxıb. Onun debütü ilk “altılıq” şanslarını qoruyub saxlayan “Turan” olub. Tovuzlular səfərdə rəqibdən üstün görünsə də, “Rəvan”ın yeni transferləri bakılılara qələbə qazandırıb. “Uçan aslanlar”ın litvalı yarımmüdafiəçisi Mindauqas Kalonas isə mövsümün meydana daxil olduqdan sonra atılan ən erkən qoluna imza atıb. Bu qələbə ilə “Rəvan” birgünlük “Bakı” ilə xallarını bərabərləşdirib və 10-cu pilləyə qalxıb.

Günün son oyunu daha gərgin keçib. Liderlər qrupunda yer alan “Simurq” ilk “altılıq” uğrunda mübarizəsini davam etdirən AZAL-ı sınağa çəkib. Zaqatalalılar qalib gələrdisə, özünün ilk “altılığ”a düşməyini rəsmiləşdirəcəkdi. Artıq 2-ci dəqiqədə qonaqlar hesabı açsa da, fasilədən sonra Nildo tarazlığı bərpa edib. Bu, braziliyalı hücumçunun uzun müddətdən sonra susqunluğunu pozması deməkdir. Heç-heçəyə baxmayaraq, “Simurq” turnir cədvəlinin liderinə çevrildi. İndi Zaqatala təmsilçisi liderliyini qoruyub saxlamaq üçün bazar ertəsi baş tutacaq oyunda “böyük qardaş” “İnter”in Lənkərandan xalsız qayıtmasını arzulamalıdır.

9 fevral
“Kəpəz” – “Neftçi” - 0:3
QOLLAR: Flavinyo, 26; Nikolas Kanales, 68; Araz Abdullayev, 73
Hakimlər: Əliyar Ağayev, Mehman Mahmudov, Munis Abdullayev, Elvin Əsgərov
Bakı. “Dalğa Arena” stadionu
İlk dövrədəki oyun – 1:4

Kəpəz: 16. Xəyal Zeynalov (k), 2. Cəmşid Məhərrəmov, 3. Samir Hüseynli, 4. Məhərrəm Müslümzadə, 6. Məhərrəm Hüseynov, 15. Şahin Kərimov, 17. Pirkulı Saparov, 18. Nikolay Svejentsev, 19. Rahimberdı Baltayev, 29. Georgi Sepiaşvili, 30. Vladislav Serebryakov
Ehtiyat oyunçular: 1. Ramil Kərimov, 5. Mətləb Məmmədov, 8. Elvin Həsənəliyev, 10. Zaur Əsədov, 14. Elxan Əzizov, 25. Elgiz Kərəmli, 23. Ravil Müslümov
Baş məşqçi: Mahmud Qurbanov

Neftçi: 30. Saşa Stamenkoviç, 4. Tərlan Quliyev, 5. İqor Mitreski, 6. Rəşad Sadiqov (k), 9. Flavinyo, 10. Culius Vobay, 11. Nikolas Kanales, 15. Erik Ramos, 16. Bruno Bertuççi, 17. Araz Abdullayev, 28. Emin Mehtiyev
Ehtiyat oyunçular: 1. Conni Leoni, 2. Xose Kabion, 3. Denis Silva, 14. Bahodir Nasimov, 19. Mirhüseyn Seyidov, 25. Cavid İmamverdiyev, 32. Elvin Yunuszadə
Baş məşqçi: Böyükağa Hacıyev

“Rəvan” – “Turan” - 2:0
QOLLAR: Miloş Adamoviç, 36; Mindauqas Kalonas, 71
Hakimlər: Rauf Cabbarov, Elman Musayev, Ramiz Əsədov, Feyzulla Feyzullayev
Bakı. “Bayıl Arena” stadionu
İlk dövrədəki oyun – 2:2

Rəvan: 1. Lukaş Sapela, 3. Miloş Zeçeviç (k), 4. Nodar Məmmədov, 5. Nikolay Orlovski, 8. Tural Axundov, 14. Xuan Manuel Varea, 15. Tural Cəlilov, 17. Ramazan Abbasov, 18. Samuel Barlay, 20. Miloş Adamoviç, 27. Nuran Qurbanov
Ehtiyat oyunçular: 99. Murad Qənbərov, 9. Vüsal Qarayev, 10. Mindauqas Kalonas, 13. Şəhriyar Rəhimov, 19. Hüseyn Axundov, 22. Tofiq Mikayılov, 25. Ayaz Mehdiyev
Baş məşqçi: Ramil Əliyev

Turan: 1. Kamal Bayramov (k), 6. Mikayıl Rəhimov, 3. Anatoli Stukalov, 2. Dmitri Pospelov, 7. Azər Məmmədov, 21. Elşad Manafov, 10. Endər Günlü, 19. Asəf Qədiri, 23. İrakli Beraya, 9. Murad Ağakişiyev, 11. Salif Ballo
Ehtiyat oyunçular: 28. Andrey Popoviç, 17. Fərmayıl Əliyev, 14. Yaroslav Suxanov, 20. David Canelidze, 15. Sənan Qocayev, 22. Rəşad Hacızadə, 4. Vüqar Bəybalayev
Baş məşqçi: Əfqan Talıbov

AZAL – “Simurq” - 1:1
QOLLAR: Nildo, 55 - Zdravko Popoviç, 2
Qırmızı vərəqə: Rasim Ramaldanov, 62
Hakimlər: Anar Salmanov, Namiq Hüseynov, Mübariz Haşımov, Ramiz Məhərrəmov
Bakı. “AZAL Arena” stadionu
İlk dövrədəki oyun – 1:1

AZAL: 27. Ruslan Məcidov, 2. Xuanfran, 3. Usim Nduka (k), 4. Aylton, 20. Branislav Arseniyeviç, 6. Tagim Novruzov, 17. Viktor İqbekoi, 19. Orxan Səfiyaroğlu, 22. Ruslan Tağızadə, 11. Zuhir Benuahi, 16. Nildo
Ehtiyat oyunçular: 12. Cahangir Həsənzadə, 15. Oskar Klyava, 77. Saşa Yunisoğlu, 7. Cavid Tağıyev, 9. Elşən Məmmədov, 99. Orxan Həsənov, 37. Andryus Veliçka
Baş məşqçi: Vaqif Sadıqov

Simurq: 1. Dmitri Kramarenko, 2. İlkin Qırtımov, 3. Rasim Ramaldanov (k), 6. Anderson, 7. Ruslan Poladov, 8. Qərib İbrahimov, 10. Zdravko Popoviç, 13. Aleksandr Şemonayev, 15. Styepan Polyak, 21. Murad Səttarlı, 25. Mario Bojiç
Ehtiyat oyunçular: 99. Əyyub Əliyev, 4. Dilaver Zrnanoviç, 9. Martsin Burkhardt, 12. Tomislav Buşiç, 19. Nicat Qurbanov, 20. Rəşad Eyyubov, 27. Bəxtiyar Soltanov
Baş məşqçi: Georgi Çixradze