Bakının “Rəvan” klubu qış transfer dövründə ilk əcnəbi futbolçu keçidini həyata keçirib. Lent.az-ın məlumatına görə, paytaxt təmsilçisi serbiyalı dayaq yarımmüdafiəçisi Miloş Adamoviçlə 1,5 illik müqavilə bağlayıb.
Adamoviçin son klubu Qazaxıstan “Sunkar”ı olub. O, “Qaradağ Lökbatan”la yoxlama matçında bəyənilib. Serbiya OFK-sının yetirməsi olan 25 yaşlı orta xətt oyunçusu həmin ölkənin “Palilulats”, “Dinamo” (Vranye), Moldovanın “Şerif”, Polşanın “Poloniya” və Qazaxıstanın “Taraz” komandalarının da şərəfini qoruyub. 2 il öncə Adamoviç “Şerif”in heyətində Avropa Liqasının qrup mərhələsi qarşılaşmalarına çıxıb.
Qeyd edək ki, daha öncə “Rəvan” 3 yerli futbolçu Emin Mustafayev, Ramil Həşimzadə və Nodar Məmmədovla da anlaşıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
