“Qəbələ” Hollandiyaya gedir

“Qəbələ” Futbol Akademiyası nəzdində fəaliyyət göstərən 15 yaşlılardan ibarət komanda aprelin 21-də Hollandiyaya uçacaq. Lent.az-ın məlumatına görə, məşqçi Hüseynqulu Quliyevin rəhbərlik etdiyi komanda 3 yoxlama oyunu keçirəcək.

Akademiyanın yeni direktoru Stenli Brard da komanda ilə birgə səfərə çıxacaq. Brard “Feyenord” akademiyasının da direktorudur və o, “Qəbələ”dəki işinə iyulun 1-dən tam köklənəcək. Təcrübəli mütəxəssis mayın sonlarında Hollandiya klubunu Beynəlxalq “Qəbələ” Kubokuna gətirəcək.

Qeyd edək ki, hələlik rəqiblərin adları dəqiqləşməyib.