“Qalatasaray” qış fasiləsində ikinci transferini həyata keçirib. Apasport.az saytı Türkiyə mətbuatına istinadən xəbər verir ki, “cim-bom” “Gənclərbirliyi”nin müdafiəçisi Ahmet Çalıkı heyətinə cəlb edib.
Klublar arasında aparılan uzun danışıqlar nəhayət ki, öz bəhrəsini verib. “Gənclərbirliyi”nin prezidenti İlhan Cavcav əvvəlcə 5 milyon avro tələb etsə də, sonda bu keçidin 2,5 milyon avroya baş tutmasına razılıq verməli olub. Türkiyə millisinin 22 yaşlı oyunçusunun bu gün və ya sabah rəsmən “Qalatasaray”ın futbolçusu kimi təqdim olunması gözlənilir.
Qeyd edək ki, “Gənclərbirliyi”nin yetirməsi olan Ahmet Çalık 2011-ci ildən peşəkar futbolçu kimi bu klubun formasını geyinib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
